اطاعت رسول ﷺ اور ایمان لازم و ملزوم ہیں۔ ایک نہیں تو دوسرے کا وجود بھی ممکن نہیں۔ عقائد و اعمال میں تمام تر بگاڑ کتاب و سنت کو نظر انداز کرنے سے پیدا ہوتا ہے۔ کتاب اللہ کے بعد ساری ملت اسلامیہ کی مشترکہ میراث اور تمام مسلمانوں کے ایمان و عمل کا مرکز اور محور صرف ایک ہی چیز ہے اور وہ ہے "سنت رسول ﷺ"۔ فضیلۃ الشیخ محمد اقبال کیلانی حفظہ اللہ کی تفہیم السنۃ سیریز کی یہ دوسری کتاب ہے۔ اور اس سیریز کی دیگر کتب کی طرح اپنی مثال آپ بھی۔ سنت و بدعت کو عملاً آج صرف چند عبادت کے مسائل تک محدود سمجھا جاتا ہے، ان شاء اللہ اس کتاب کے مطالعے کے بعد سنت و بدعات سے متعلقہ مسائل کی افہام و تفہیم خوب سہل ہو جائے گی۔ مختصراً فتنہ انکار حدیث کی بحث بھی اس کتاب میں بطور ایک باب کے شامل کر دی گئی ہے۔