رحمتوں اور برکتوں کے مقدس مہینہ رمضان المبارک، اس لحاظ سے بہت ہی اہمیت کا حامل ہے کہ اس کی غرض و غایت ہی گناہوں سے بچنے کی تربیت کرنا ہے۔ تھوڑی سی کوشش و ارادہ سے ہر آدمی کی طبیعت نیکی کی طرف راغب اور گناہوں سے بچنے پر آمادہ ہو جاتی ہے۔ ماہ صیام کی برکتوں سے بھرپور افادہ کیلئے اس کتاب کا مطالعہ ضرور فرمائیے۔ اس میں روزے سے متعلقہ صرف وہ مسائل جمع کئے گئے ہیں جو احادیث صحیحہ سے ثابت ہیں۔ اس کتاب کی پہلی اشاعت میں چند ضعیف احادیث بشری کوتاہی سے شامل ہو گئی تھیں۔ موجودہ اشاعت سے انہیں نکال دیا گیا ہے۔ا ب الحمدللہ سب احادیث حسن یا صحیح درجہ کی ہیں۔نیز کتاب کے آخر میں روزوں کے بارے میںبعض ضعیف یا موضوع (من گھڑت) احادیث بھی دی گئی ہیں، تاکہ انہیں رسول اللہ صلی اللہ علیہ وسلم کی طرف نسبت کر کے بیان کرتے ہوئے باز رہا جا سکے۔ محض سنی سنائی یا بلاحوالہ پڑھی ہوئی باتوں پر عمل کرنے کی بجائے حدیث رسول ﷺ کو اپنے عمل کی بنیاد بنانے کی سوچ اور فکر کو عام کرنے، براہ راست حدیث شریف پڑھنے اور صحیح وثابت شدہ سنت طریقہ  جاننےکا شوق پیدا کرنے کیلئے یہ کتاب بھی اس انداز کی دیگر کتب کی طرح ایک نہایت اہم سنگ میل ہے۔

...................................................................................................

ویب ماسٹر نوٹ: یہ کتاب اور الشیخ اقبال کیلانی حفظہ اللہ کی دیگر تمام کتب ہمیں شیخ نے ان پیج فارمیٹ میں مہیا کر دی ہیں۔ جس کیلئے ہم محترم شیخ صاحب اور حدیث پبلیکیشنز کے ازحد مشکور ہیں۔ ان شاء اللہ جلد ہی یونی کوڈ میں کنورٹ کر کے ورڈ فائل کی صورت میں بھی یہ کتاب ڈاؤن لوڈنگ کیلئے مہیا کی جائے گی تاکہ تحقیق کا ذوق رکھنے والے احباب زیادہ سے زیادہ فوائد حاصل کر سکیں۔نیز تبلیغ کے ضمن میں بھی یونی کوڈ کی اہمیت مسلم ہے۔  کتاب کی اہمیت اور رمضان المبارک کے مہینہ کی شروعات کی وجہ سے فی الحال اسکین شدہ پی ڈی ایف فائل فراہم کرنے کا فیصلہ کیا گیا ہے۔ تاکہ عوام کو رمضان المبارک کے حوالے سے مناسب اور فوری رہنمائی مہیا کی جا سکے۔