#3275

مصنف : ابو عبد الرحمن محمد الترکیف

مشاہدات : 2162

ماہ رمضان اللہ تعالیٰ کے ساتھ تجارت کا مہینہ

  • صفحات: 82
  • یونیکوڈ کنورژن کا خرچہ: 1640 (PKR)
(پیر 22 جون 2015ء) ناشر : اسلامک سروسز سوسائٹی لاہور

روزہ ایک  ایسی عظیم عبادت ہے جسے  صرف امت محمدیہ ﷺ پرہی فرض نہیں کیاگیا۔ بلکہ اس امت سے پہلے تمام امم سابقہ کو  بھی اس کا مکلف ٹھہرایا گیا ہے اللہ تعالیٰ نے  اپنے بندوں پر رمضان المبارک کے روزے اس لیے فرض کیے ہیں کہ انہیں تقویٰ کی نعمت ودولت حاصل ہو ۔ تقویٰ یہ ہے کہ انسان اس دنیا میں اپنے رب کا بندہ اور اس کا فرماں بردار بن کررہے ۔روزے کی حقیقت سامنے رکھنے سےیہ بات ہماری محدود عقل بھی سمجھ لیتی  ہے کہ تقویٰ کے حصول کے لیے  یہ عبادت مؤثرترین تدبیر ہے ۔رمضان المبارک اسلامی سال کا  نواں مہینہ ہے  یہ مہینہ  اللہ تعالیٰ کی رحمتوں،برکتوں، کامیابیوں اور کامرانیوں کا مہینہ ہے ۔اپنی عظمتوں اور برکتوں کے  لحاظ سے  دیگر مہینوں سے   ممتاز  ہے  ۔رمضان المبارک وہی مہینہ  ہےکہ جس میں اللہ تعالیٰ کی آخری آسمانی  کتاب قرآن مجید کا نزول لوح محفوظ سے آسمان دنیا پر ہوا۔ ماہ رمضان میں  اللہ تعالی  جنت  کے دروازے کھول  دیتا ہے  او رجہنم   کے دروازے  بند کردیتا ہے  اور شیطان  کوجکڑ دیتا ہے تاکہ  وہ  اللہ کے بندے کو اس طر ح  گمراہ  نہ کرسکے  جس  طرح عام دنوں میں کرتا  ہے اور یہ ایک ایسا  مہینہ ہے  جس میں اللہ تعالی خصوصی طور پر اپنے  بندوں کی مغفرت کرتا ہے اور  سب  سے زیاد ہ  اپنے بندوں کو  جہنم  سے آزادی کا انعام  عطا کرتا ہے۔رمضان المبارک کے  روضے رکھنا اسلام کےبنیادی ارکان میں سے ہے  نبی کریم ﷺ نے ماہ رمضان اور اس میں کی  جانے والی عبادات  ( روزہ ،قیام  ، تلاوت قرآن ،صدقہ خیرات ،اعتکاف ،عبادت  لیلۃ القدر وغیرہ )کی  بڑی فضیلت بیان کی   ہے ۔روزہ کی دوسرے فرائض سے  یک گونہ فضیلت کا ندازہ اللہ تعالٰی کےاس فرمان ہوتا ہے’’ الصوم لی وانا اجزء بہ‘‘ یعنی روزہ خالص میرے  لیے  ہےاور میں خود ہی اس بدلہ دوں گا۔روزہ  کے  احکام ومسائل  سے   ا گاہی  ہر روزہ دار کے لیے  ضروری ہے  ۔لیکن افسوس روزہ رکھنے والے بیشتر لوگ ان احکام ومسائل سےلا علم ہوتے ہیں،بلکہ بہت سے افراد تو ایسے بھی ہیں جو بدعات وخرافات کی آمیزش سے  یہ عظیم عمل برباد کرلینے تک پہنچ جاتے ہیں ۔   کتبِ احادیث میں ائمہ محدثین نے   کتاب الصیام  کے نام سے باقاعدہ عنوان قائم کیے  ۔ اور کئی  علماء اور اہل علم نے    رمضان المبارک  کے احکام ومسائل وفضائل کے  حوالے  سے مستقل  کتب تصنیف کی  ہیں ۔ زیر نظر کتاب ’’ ماہِ رمضان اللہ  تعالیٰ کےساتھ تجارت کا مہینہ ِ‘‘شیخ ابوعبدالرحمن محمد الترکیت کی  تصنیف ہے۔یہ مختصر کتاب روزہ  کےاحکام او رعمرہ کےمسائل وفوائداور ماہ رمضان کے فضائل پر مشتمل ہے۔میاں ابو بکر حمزہ صاحب  نےاردو قارئین کےلیے اس کتاب کو اردو قالب میں ڈھالا ہے۔اللہ تعالیٰ  مصنف،مترجم وناشر کی اس کاوش کو قبول فرمائے اسے عوام الناس کےلیے نفع بخش بنائے (آمین) (م۔ا)

عناوین

 

صفحہ نمبر

ایک عام دعا

 

4

آپ کو رمضان مبارک ہو

 

5

دیباچہ

 

7

حرف آغاز

 

14

ماہ رمضان المبارک کے فضائل

 

19

روزہ کے مختصر احکام

 

27

روزہ کے فوائد

 

31

قیام اللیل تراویح کے فضائل

 

36

رمضان ماہ قرآن

 

40

ماہ رمضان عزت و کامیابیوں کا مہینہ

 

44

رمضان المبارک میں صدقہ کی فضیلت

 

47

رمضان عفو و درگزر کا مہینہ

 

50

رمضان میں عمرہ کا ثواب حج کے برابر ہے

 

55

آخری عشرہ کی فضیلت

 

61

سنت اعتکاف

 

63

صدقہ فطر

 

66

عید کے آداب

 

69

ماہ شوال کے چھ روزے

 

71

قبول اطاعت و عبادت کی علامات

 

73

اختتامیہ ماہ رمضان  کے بعد

 

76

مصادر و مآخذ

 

78

آپ کے براؤزر میں پی ڈی ایف کا کوئی پلگن مجود نہیں. اس کے بجاے آپ یہاں کلک کر کے پی ڈی ایف ڈونلوڈ کر سکتے ہیں.

اس مصنف کی دیگر تصانیف

اس ناشر کی دیگر مطبوعات

ایڈ وانس سرچ

اعدادو شمار

  • آج کے قارئین 1807
  • اس ہفتے کے قارئین 6358
  • اس ماہ کے قارئین 14902
  • کل قارئین54081679

موضوعاتی فہرست